Til tider er eg skapkatolikk, og når det kjem til denne songen nærar eg meg grensa. Jeanne D’Arc er ein av mine høgste favorittar i helgenar, i tillegg til historiske personar (vel, utanom Jesus, sjølvsagt …). Dette er opphaveleg ein fransk song skriven av Teresa frå Lisieux i 1894 kalla “Chant à Sainte Jeanne d’Arc”. Eg har omsett denne teksta til nynorsk.
Her er ei lekkje til songen på fransk (som det er lett å syngja med på, vel å merkje).
Vers 1:
Jeanne av Herren vart bydd til bardage
Eldhjarta, stridsanden logar i ho
Til møya med so stillfarande lage
Gav vår Gud sin sigerskrans med liljeblom
Ref.:
Sankta Jeanne av Frakklandet
Me ventar deg med ditt flagg og kross
Sankta Jeanne av Frakklandet
Bed du, bed du for oss.
Vers 2:
Jeanne, so audmjukt i enga ho lydde
Røyster frå ovan som tala om strid
Ho fór då bort, og for Frakkland seg bydde
Fram med hær og felagar ho for det skrid
Ref.
—II—
Vers 3:
Av stolte hærmenn; Ho vann deira hjarte
Synte dei storleik av englar frå Gud
Ynda og ord, båe skein frå ho bjarte
Brann so vegen fram til deira sigersprud
Ref.
—II—
Vers 4.
Jeanne, vårt von, kved dei ord som du vakta;
Himmelheimsrøyster som du stridsmenn gav
Ver hjå oss her, hjelp oss omvenda Frakkland
Med det vene frelsarord frå gamalt av
Ref.
—II—