30. september 2024

So, ja.

Eg har ikkje skrive so mykje her.

Men har skrive mykje elles, so det er bra. Orkar ikkje heilt å skriva kva so her er ei kort liste:

  • Hemnhugen er meir enn 1/3 ferdig omsett til nynorsk, og held på med ein del nære slutten
  • Metanoia er ferdig med 4. kapittel, held på med å få fyrste del ferdig. Særleg det teologiske held eg på med å nøsta ut.
  • Forboden Visdom finst. Ja, har’kje so mykje å seia der, diverre

Eg må finna ein betre måte å skriva dette på. Er alt for trøytt til å lata som eg veit koss eg skal slutta av.

Poenget kan samanfattast i tri setningar:

  1. Mykje skjer i livet, og det kjem til å skje meir.
  2. Eg held på med skriving når eg har tid.
  3. Hugs at Gud elskar deg, utan at du kan tena opp meir kjærleik frå han.

Kanskje eg skreiv dette mest for meg sjølv, men vonar du held fast med å vera med meg her. 🙂

Gud signa!

– A

Skriverapport 16. juni

Fy, så lenge sidan eg hadde skrive her! Instagram er verkeleg ein plass som er meir konvensjonell enn denne hímasida. Men eg kjem til å skriva meir her og ha litt ekstra “inside scoop” enn kva eg skriv der, so eg er glad om du er med og les på dette! 🙂 Kor som er, lat meg oppdatera dykk heilt kort:

  • “Vetitum Sapientiam & Scholae Scientae” heiter no “Forboden Visdom” og eg har lagt til ein side til forteljinga på “Kva eg skriv” delen under “Skriv”-seksjonen. Eg snakkar om inspirasjon, og til og med persongalleriet! (m.a. Friðrika, som eg klappar på under). Sjekk det ut på den eigne “Forboden Visdom”-sida!
  • Hemnhugen skal eg omsetja til nynorsk i laupet av sommaren. Please, bed for meg for eg kjem nok til å trenga det …
  • Metanoia er òg in the works, men eg må få retta ut nokre av dei meir wonky aspekta, så eg kan gjera det VERKELEG “Soli Deo Gloria”. Det skal verta kjempebra!
    Dessutan, vil eg leggja Metanoia ut på ei side som Royal Road eller liknande (sidan dritstøvlane på Wattpad vedtok at norsk ikkje var eit språk lengre, eg er litt salty over det …), men eg må få den fyrste delen ferdig fyrst

Så ye, eg kjem til å jobba i skrivarhòla mi og jobba vidare. Ynsk meg lukke til, peace!

Skriverapport 7. mars

Skriverapport, med fancy tittelside med bilete!

Det har no vore ei stund sidan eg har skrive, men eg skal gjeva nokre oppdateringar, sidan eg visstnok skriv dette cirka kvar andre månad no:

  • Eg har i det siste sett på korleis eg skal setja opp ein Instagram, kor eg vil promotera innhaldet på denne sida og fleire andre greier eg har planlagt. Skal sjå om eg får sida “på nett” om ei stund, og eg vil taka det litt roleg før eg gjer noko for drastisk. Du kan klikka her for å finna sida.
  • Hemnhugen (hovudromanen min) skal verta nynorsk. Eg sa det! HEMNHUGEN SKAL VERA PÅ NYNORSK!
    (Sånn, ein mellomaldarsoge på bokmål vert litt “cringe”, so eg held på med å omsetja ho no. Men ottast ikkje bokmålfans, eg skal nok skriva litt på det målet òg. Eg meiner, Metanoia er på bokmål, så det er noko der.)
  • Av kortare soger har eg skrive litt ymist på alt, men ei forteljing eg har skrive meir på no er ei om Håkon den Gode. Eg likar han godt, og kjem kanskje til å leggja han ut på sida.

Kor som er, det var alt. Ser dykk i neste oppdatering (eller på instagram om du so vil).

-A

15. januar 2024 – Opningspost

Khi, ein av hovudpersonane i “Metanoia : Sjuende Aspirant”

Dette er så og seia ein opningspost for denne nettsida (om du er ny, velkommen så mykje!) Eg skal skriva litt oftare frå no av, men her er kva som er nytt:

  • No har eg jobba meir på “Hevnhugen” og trur eg kan verta ferdig før året er omme. Vonar at dette ikkje bit meg i baken om eit år no … Uansit, kan eg seia at ein viss litauisk stridsherre var kva som skulle til for å gjera forteljinga mi betre. Kven skulle trudd det?
  • Metanoia har sin fyrste smakebit ute! YES!!! Du kan lesa meir om forteljinga, og gå vidare til smakebiten her. Eg har planlagt å sleppa meir seinare, kanskje når eg har lese gjennom meir av kva eg har skrive. Men for no, berre kos det me kva som ligg ute! 😀

Så, ja. Velkommen til sida mi! Sjå litt rundt på kva eg har skrive, so vonar eg du kjem attende ein gong!
Gud signa!
– A

6. Oktober 2023, Skriverapport

Det nærar seg haust. Vêret vert kaldare og regnet vert blautare.

Slikt sett er det godt høve til å orsaka seg til skriving! Her er kva som er nytt for no:

  • Eg er ferdig med Metanoia sitt andre kapittel og les gjennom fyrsteutkastet. Den neste engelen som kjem vert nok av den ro-lige typen. (om du veit, så veit du)
  • Hemnhugen sakkar seg ferdigstillingsfasen. Eg har endra font så eg ikkje skal kjeda meg dørg når eg redigerer.
  • Det Nye Prosjektet vil eg visa fram ein working title og eit fun fact: “Vetitum Sapientiam Schola Scientae ” eller berre Vetitum (eg sa ikkje det var ein god tittel, men hey, det er noko). Eg skal skriva han på nynorsk (med kløyvd infinitiv!) og er så og seia ein “all-skandinavisk Bondestudentar [av Arne Garborg] med setting frå Harry Potter.” Det er berre til å gleda seg med denne!
  • Til Heimesida vurderer eg å ha ein oppdatering som ein eigen del av sida, så dokker ikkje sovnar av disse rapportane.”

Ok, då er tida eg kan kasta vekk ferdig, så eg sluttar no med rapporten. Talast!

Skriverapport 26 august 2023

Så, dette er berre eit utsettingsprosjekt for at eg skal kopla av arbeidet eg FAKTISK skal gjera. Uansett; her er kva eg har jobba med:

  • Eg har jobba ein del meir på Metanoia for å få alt til å gje meining i plottet. Kapittel 0-1 er så og seia ferdige, men kapittel 2 treng endå justeringar.
  • Hevnhugen slost eg endå med, sidan eg har så mykje ting å gjera ferdig. Eg treng kanskje å berre få den ferdig så raskt som eg kan …
  • Eit nytt, spanande prosjekt på nynorsk kjem snart, so held augo opne!

Dette var alt for no. Talast!